biwi ki fariyaad

pahle kyā kam thī musībat mire ghar meñ ki ab

ho ga.e haiñ mire sartāj ġhazal-go shā.ir

hasb-e-dastūr paḌe rahte haiñ sochoñ meñ gum

na vo mere liye ghar meñ haiñ na ghar se bāhar

pahle bhī kaam na karte the vo ghar kā koī

ab to kuchh aur bhī sustī meñ hue haiñ māhir

zinda hotīñ mirī ammāñ to maiñ un se kahtī

is se to achchhā thā rakh letīñ vo koī naukar

aamad hotī hai to ye hukm diyā jaatā hai

koī kuchh bolā to ho jā.egā ghar se bāhar

ek aafat meñ mirī jaan phañsī hai yā-rab

bhej de mere liye ab to koī chārāgar

koī to ho jo kahe ai miyāñ 'hammād' 'hasan'

jaao biivī ko ghumā laao kabhī chiḌiyā-ghar

pahle kya kam thi musibat mere ghar mein ki ab

ho gae hain mere sartaj ghazal-go shair

hasb-e-dastur paDe rahte hain sochon mein gum

na wo mere liye ghar mein hain na ghar se bahar

pahle bhi kaam na karte the wo ghar ka koi

ab to kuchh aur bhi susti mein hue hain mahir

zinda hotin meri amman to main un se kahti

is se to achchha tha rakh letin wo koi naukar

aamad hoti hai to ye hukm diya jata hai

koi kuchh bola to ho jaega ghar se bahar

ek aafat mein meri jaan phansi hai ya-rab

bhej de mere liye ab to koi chaaragar

koi to ho jo kahe ai miyan 'hammad' 'hasan'

jao biwi ko ghuma lao kabhi chiDiya-ghar