ishq ka parcha

Dilawar Figar

ishq ka parcha

Dilawar Figar

MORE BYDilawar Figar

    mahv-e-hairat huuñ ki vo setter thā kitnā bā-kamāl

    ishq ke baare meñ pūchhā jis ne parche meñ savāl

    aise setter agar do chaar paidā ho ga.e

    dekhnā is mulk meñ fankār paidā ho ga.e

    aam hogī āshiqī collage ke arz-o-tūl meñ

    lailā o majnūñ nazar ā.eñge ab schōl meñ

    ishq ke ādāb laḌkoñ ko sikhā.e jā.eñge

    ġhair-āshiq jo haiñ vo āshiq banā.e jā.eñge

    āshiqoñ ko ilm meñ perfect samjhā jā.egā

    ishq ik compulsory subject samjhā jā.egā

    imtihāñ hogā to pūchhe jā.eñge aise savāl

    apnī mahbūba ke baare meñ kuchh iz.hār-e-ḳhayāl

    ishq ik science hai art samjhā kar likho

    ye donoñ ishq haiñ part samjhā kar likho

    aaj apne mulk meñ āshiq haiñ kitne fīsadī

    muntahī in meñ haiñ kitne aur kitne mubtadī

    kyā ta.alluq tibb-e-yūnānī ko hai rūmān se

    compare farhād o majnūñ ko karo luqmān se

    ishq kitne qism hotā hai likho bā-vasūq

    zamāna kyā haiñ āshiq ke farā.ez aur huqūq

    ek tahqīqī maqāla likh ke samjhāo ye baat

    shāḳh-e-āhū par kyuuñ rahtī hai āshiq barāt

    kuchh misāleñ de ke samjhāo ye qaul-e-mustanad

    ishq avval dar-dil-e-ma.ashūq paidā shuad

    sar ko kyā nisbat hai sañg-e-āstān-e-yār se

    tum ne sar phoḌā kabhī ma.ashūq dīvār se

    kyā sakūñ miltā hai dil ko āh-e-sho.ala-bār se

    garm naale arsh par jaate haiñ kis raftār se

    apne andāze se tūl-e-shām-e-tanhā.ī batāo

    sirf taḳhmīnan shab-e-hijrāñ lambā.ī batāo

    india ek naqsha apnī copy par banāo

    aur phir us meñ hudūd-e-kūcha-e-jānāñ dikhāo

    vasl darḳhvāst par kis sifārish chāhiye

    ishq ke paude ko kitne inch bārish chāhiye

    apnī mahbūba ko ik darḳhvāst english meñ likho

    us se ye pūchho javāb-e-ārzū yes hai ki no

    kaun se aale se dekheñ husn-e-jānāna likho

    husn miqdār jo naape vo paimāna likho

    mother-e-lailā ne to lailā na byāhī qais ko

    tum agar lailā maañ hote to kyā karte likho

    ek āshiq tiin din meñ chaltā hai unnīs miil

    tiin āshiq kitne din meñ jā.eñge aḌtīs miil

    aap kar sakte haiñ in meñ se koī bārah savāl

    bad-ḳhatī ke pāñch number haiñ rahe ye bhī ḳhayāl

    mahw-e-hairat hun ki wo setter tha kitna ba-kamal

    ishq ke bare mein puchha jis ne parche mein sawal

    aise hi setter agar do chaar paida ho gae

    dekhna is mulk mein fankar paida ho gae

    aam hogi aashiqi collage ke arz-o-tul mein

    laila o majnun nazar aaenge ab school mein

    ishq ke aadab laDkon ko sikhae jaenge

    ghair-ashiq jo hain wo aashiq banae jaenge

    aashiqon ko ilm mein perfect samjha jaega

    ishq ek compulsory subject samjha jaega

    imtihan hoga to puchhe jaenge aise sawal

    apni mahbuba ke bare mein kuchh izhaar-e-KHayal

    ishq ek science hai ya art samjha kar likho

    ya ye donon ishq ka hain part samjha kar likho

    aaj apne mulk mein aashiq hain kitne fisadi

    muntahi in mein hain kitne aur kitne mubtadi

    kya talluq tibb-e-yunani ko hai ruman se

    compare farhad o majnun ko karo luqman se

    ishq kitne qism ka hota hai likho ba-wasuq

    fi zamana kya hain aashiq ke faraez aur huquq

    ek tahqiqi maqala likh ke samjhao ye baat

    shaKH-e-ahu par hi kyun rahti hai aashiq ki baraat

    kuchh misalen de ke samjhao ye qaul-e-mustanad

    ishq awwal dar-dil-e-mashuq paida mi shuad

    sar ko kya nisbat hai sang-e-astan-e-yar se

    tum ne sar phoDa kabhi mashuq ki diwar se

    kya sakun milta hai dil ko aah-e-shoala-bar se

    garm nale arsh par jate hain kis raftar se

    apne andaze se tul-e-sham-e-tanhai batao

    sirf taKHminan shab-e-hijran ki lambai batao

    india ka ek naqsha apni copy par banao

    aur phir us mein hudud-e-kucha-e-jaanan dikhao

    wasl ki darKHwast par kis ki sifarish chahiye

    ishq ke paude ko kitne inch barish chahiye

    apni mahbuba ko ek darKHwast english mein likho

    us se ye puchho jawab-e-arzu yes hai ki no

    kaun se aale se dekhen husn-e-jaanana likho

    husn ki miqdar jo nape wo paimana likho

    mother-e-laila ne to laila na byahi qais ko

    tum agar laila ki man hote to kya karte likho

    ek aashiq tin din mein chalta hai unnis mil

    tin aashiq kitne din mein jaenge aDtis mil

    aap kar sakte hain in mein se koi barah sawal

    bad-KHati ke panch number hain rahe ye bhi KHayal

    Videos
    This video is playing from YouTube

    Videos
    This video is playing from YouTube

    Dilawar Figar

    Dilawar Figar

    Source :
    • Book : Kulliyat Dilawar Figar (Pg. 86)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now