o des se aane wale bata

kyā ab bhī vahāñ kā har shā.ir

tanqīd kā maarā hai ki nahīñ

iflās kī aañkh kā taarā hai

vo rāj-dulārā hai ki nahīñ

vo ik ghasiyārā hai ki nahīñ

o des se aane vaale batā

kyā ab bhī vahāñ par ganjā-sar

scholar samjhā jaatā hai

kyā ab bhī vahāñ kā har M-A

'ġhālib' par kuchh farmātā hai

aur jail kī zulmat meñ kho kar

'iqbāl' se bhī Takrātā hai

o des se aane vaale batā

kyā ab bhī vahāñ ke sab shauhar

rātoñ ko chhup kar rote haiñ

kyā ab bhī vo qismat ke maare

daftar meñ aksar sote haiñ

ta.anoñ kā nishāna bante haiñ

jab ghar meñ kabhī vo hote haiñ

āḳhir meñ ye hasrat hai ki batā

rehāna ke kitne bachche haiñ

rehāna ke 'vo' kis haal meñ haiñ

kyā ab bhī vo pension paate haiñ

kuchh baal to the jab maiñ thā vahāñ

kyā ab vo mukammal ganje haiñ

o des se aane vaale batā

kya ab bhi wahan ka har shair

tanqid ka mara hai ki nahin

iflas ki aankh ka tara hai

wo raj-dulara hai ki nahin

wo ek ghasiyara hai ki nahin

o des se aane wale bata

kya ab bhi wahan par ganja-sar

scholar samjha jata hai

kya ab bhi wahan ka har M-A

'ghaalib' par kuchh farmata hai

aur jail ki zulmat mein kho kar

'iqbaal' se bhi Takraata hai

o des se aane wale bata

kya ab bhi wahan ke sab shauhar

raaton ko chhup kar rote hain

kya ab bhi wo qismat ke mare

daftar mein aksar sote hain

tanon ka nishana bante hain

jab ghar mein kabhi wo hote hain

aaKHir mein ye hasrat hai ki bata

rehana ke kitne bachche hain

rehana ke 'wo' kis haal mein hain

kya ab bhi wo pension pate hain

kuchh baal to the jab main tha wahan

kya ab wo mukammal ganje hain

o des se aane wale bata