mujhse mat kar yar kuchh guftar main roze se hun

mujh se mat kar yaar kuchh guftār maiñ roze se huuñ

ho na jaa.e tujh se bhī takrār maiñ roze se huuñ

har kisī se karb kā iz.hār maiñ roze se huuñ

do kisī aḳhbār ko ye taar maiñ roze se huuñ

merā roza ik baḌā ehsān hai logo ke sar

mujh ko Daalo motiye ke haar maiñ roze se huuñ

maiñ ne har file kī dumchī par ye misra.a likh diyā

kaam ho saktā nahīñ sarkār maiñ roze se huuñ

ai mirī biivī mire raste se kuchh katrā ke chal

ai mire bachcho zarā hoshyār maiñ roze se huuñ

shaam ko bahr-e-ziyārat aa to saktā huuñ magar

note kar leñ dost rishte-dār maiñ roze se huuñ

tū ye kahtā hai lahn-tar ho koī taaza ġhazal

maiñ ye kahtā huuñ ki bar-ḳhurdār maiñ roze se huuñ

mujh se mat kar yar kuchh guftar main roze se hun

ho na jae tujh se bhi takrar main roze se hun

har kisi se karb ka izhaar main roze se hun

do kisi aKHbar ko ye tar main roze se hun

mera roza ek baDa ehsan hai logo ke sar

mujh ko Dalo motiye ke haar main roze se hun

main ne har file ki dumchi par ye misra likh diya

kaam ho sakta nahin sarkar main roze se hun

ai meri biwi mere raste se kuchh katra ke chal

ai mere bachcho zara hoshyar main roze se hun

sham ko bahr-e-ziyarat aa to sakta hun magar

note kar len dost rishte-dar main roze se hun

tu ye kahta hai lahn-tar ho koi taza ghazal

main ye kahta hun ki bar-KHurdar main roze se hun