nazar nazar se milaenge jaan-e-man hum bhi

nazar nazar se milā.eñge jān-e-man ham bhī

tarāne pyaar ke gā.eñge jān-e-man ham bhī

ufuq ke paar chalo Daalo sab ko chūlhe meñ

nasīb apnā jagā.eñge jān-e-man ham bhī

bhare buḌhāpe meñ bhī jaag jā.eñge armāñ

ġhazal vo tum ko sunā.eñge jān-e-man ham bhī

tumhārī mummy ke jūtoñ se kaun Dartā hai

tumhāre saath hī jā.eñge jān-e-man ham bhī

bahut nachāyā hai ham ko tumhāre abbā ne

unheñ bhī aaj nachā.eñge jān-e-man ham bhī

sharāb gāñjā charas pī ke aaj ham 'vāhid'

ġham-e-hayāt bhulā.eñge jān-e-man ham bhī

nazar nazar se milaenge jaan-e-man hum bhi

tarane pyar ke gaenge jaan-e-man hum bhi

ufuq ke par chalo Dalo sab ko chulhe mein

nasib apna jagaenge jaan-e-man hum bhi

bhare buDhape mein bhi jag jaenge arman

ghazal wo tum ko sunaenge jaan-e-man hum bhi

tumhaari mummy ke juton se kaun Darta hai

tumhaare sath hi jaenge jaan-e-man hum bhi

bahut nachaya hai hum ko tumhaare abba ne

unhen bhi aaj nachaenge jaan-e-man hum bhi

sharab ganja charas pi ke aaj hum 'wahid'

gham-e-hayat bhulaenge jaan-e-man hum bhi