scent ki kajle ki aur ghaze ki gul-kari ke baad

scent kī kajle kī aur ġhāze kī gul-kārī ke ba.ad

vo hasīñ lagtī hai lekin kitnī tayyārī ke ba.ad

muddatoñ ke ba.ad us ko dekh kar aisā lagā

jaise roza-dār kī hālat ho aftārī ke ba.ad

bāñdh kar sahrā nazar aa.e hai yuuñ nausha-miyāñ

jis tarah mujrim dikhā.ī de giraftārī ke ba.ad

heroine pachpan baras kī ho chukīñ to ġham nahīñ

ab gulū-kārī kareñgī vo adākārī ke ba.ad

qaum ko bedār kar disco-music chheḌ kar

jo bichārī so chukī hai rāg-darbārī ke ba.ad

iid par masrūr haiñ donoñ miyāñ biivī bahut

ik ḳharīdārī se pahle ik ḳharīdārī ke ba.ad

aqd-e-sānī kā mazā pūchā to bole shaiḳh-jī

aise lagtā hai chikan chakkhā hai tarkārī ke ba.ad

rāh-e-ulfat kī traffic ho ki motor-way kī ho

hādse hote haiñ 'shāhid' tez-raftārī ke ba.ad

scent ki kajle ki aur ghaze ki gul-kari ke baad

wo hasin lagti hai lekin kitni tayyari ke baad

muddaton ke baad us ko dekh kar aisa laga

jaise roza-dar ki haalat ho aftari ke baad

bandh kar sahra nazar aae hai yun nausha-miyan

jis tarah mujrim dikhai de giraftari ke baad

heroine pachpan baras ki ho chukin to gham nahin

ab gulu-kari karengi wo adakari ke baad

qaum ko bedar kar disco-music chheD kar

jo bichaari so chuki hai rag-darbari ke baad

id par masrur hain donon miyan biwi bahut

ek KHaridari se pahle ek KHaridari ke baad

aqd-e-sani ka maza pucha to bole shaiKH-ji

aise lagta hai chikan chakkha hai tarkari ke baad

rah-e-ulfat ki traffic ho ki motor-way ki ho

hadse hote hain 'shahid' tez-raftari ke baad