shair-e-bisyar-go

shā.ir-e-bisyār-go se hai ye merī iltimās

aap yuuñ lillāh sāme.a ko na kiije bad-havās

muḳhtasar sī rasm-e-ḳhatna aur us par tiis sher

aqd ke do bol kī taqrīb aur chālīs sher

maiñ ne maanā shā.irī kā aap ko bohrān hai

aap kī fikr-e-suḳhan parchūn kī dūkān hai

aap Dhīlī kar ke rakh dete haiñ nas nas sher kī

uf ye chū-ġhazla aur is par har ġhazal das sher kī

aap ko jitne qavāfī mil sake farhañg meñ

un ko Thūñsā lā ke ġhazloñ kī qabā-e-tañg meñ

aap ke sar par musallat jazba-e-tahsīn hai

aur idhar sab kī zabāñ par sūra-e-yāsīn hai

shair-e-bisyar-go se hai ye meri iltimas

aap yun lillah samea ko na kije bad-hawas

muKHtasar si rasm-e-KHatna aur us par tis sher

aqd ke do bol ki taqrib aur chaalis sher

main ne mana shairi ka aap ko bohran hai

aap ki fikr-e-suKHan parchun ki dukan hai

aap Dhili kar ke rakh dete hain nas nas sher ki

uf ye chu-ghazla aur is par har ghazal das sher ki

aap ko jitne qawafi mil sake farhang mein

un ko Thunsa la ke ghazlon ki qaba-e-tang mein

aap ke sar par musallat jazba-e-tahsin hai

aur idhar sab ki zaban par sura-e-yasin hai