sitaron se aage jahan aur bhi hain

sitāroñ se aage jahāñ aur bhī haiñ

pare se pare se parāñ aur bhī haiñ

abhī to tujhe ek pheñTī lagī hai

abhī to tire imtihāñ aur bhī haiñ

vo ik naar hī to jalātī nahīñ hai

mohalle meñ chiñgāriyāñ aur bhī haiñ

vo khiḌkī nahīñ kholte to na kholeñ

nazar meñ mire bāriyāñ aur bhī haiñ

ye shii.a ye sunnī hai hanafī vahābī

alāva aziiñ firqiyāñ aur bhī haiñ

smuggling kī sugar stocking kā cancer

vaDeroñ ko bīmāriyāñ aur bhī haiñ

yahāñ sirf thāne hī bikte nahīñ haiñ

yahāñ par ka.ī aise thaañ aur bhī haiñ

vo kahte haiñ insāf sastā milegā

to sābit huā peshiyāñ aur bhī haiñ

huā tel kā hī nahīñ mol dugnā

bahut qīmatāñ aisīyāñ aur bhī haiñ

'abīrā' tujhe vo bhī sahnī paḌeñgī

muqaddar meñ jo saḳhtiyāñ aur bhī haiñ

sitaron se aage jahan aur bhi hain

pare se pare se paran aur bhi hain

abhi to tujhe ek phenTi lagi hai

abhi to tere imtihan aur bhi hain

wo ek nar hi to jalati nahin hai

mohalle mein chingariyan aur bhi hain

wo khiDki nahin kholte to na kholen

nazar mein mere bariyan aur bhi hain

ye shia ye sunni hai hanafi wahabi

alawa azin firqiyan aur bhi hain

smuggling ki sugar stocking ka cancer

waDeron ko bimariyan aur bhi hain

yahan sirf thane hi bikte nahin hain

yahan par kai aise than aur bhi hain

wo kahte hain insaf sasta milega

to sabit hua peshiyan aur bhi hain

hua tel ka hi nahin mol dugna

bahut qimatan aisiyan aur bhi hain

'abira' tujhe wo bhi sahni paDengi

muqaddar mein jo saKHtiyan aur bhi hain