suna hai roz wo hum ko sanwar ke dekhte hain

sunā hai roz vo ham ko sañvar ke dekhte haiñ

ye baat sach hai to un pe bhī mar ke dekhte haiñ

sunā hai logoñ se mahbūb hai mirā ganjā

chalo ki chāñd pe us kī utar ke dekhte haiñ

kareñge āñkh-maTakkā vo kyā paḌosan se

jo log apnī hī biivī ko Dar ke dekhte haiñ

sunā hai shauq hai us ko bhī pahlvānī kā

chalo ki us se bhī do haath kar ke dekhte haiñ

sunā hai chashma lagātā nahīñ gadhā koī

ye baat hai to harī ghaas char ke dekhte haiñ

ga.e zamāne kī bāteñ haiñ shakl aur sūrat

bas ab to ahl-e-nazar ḳham kamar ke dekhte haiñ

sunā hai pyaar hai us ko clean chehroñ se

so ham bhī chehre se dāḌhī katar ke dekhte haiñ

suna hai roz wo hum ko sanwar ke dekhte hain

ye baat sach hai to un pe bhi mar ke dekhte hain

suna hai logon se mahbub hai mera ganja

chalo ki chand pe us ki utar ke dekhte hain

karenge aankh-maTakka wo kya paDosan se

jo log apni hi biwi ko Dar ke dekhte hain

suna hai shauq hai us ko bhi pahlwani ka

chalo ki us se bhi do hath kar ke dekhte hain

suna hai chashma lagata nahin gadha koi

ye baat hai to hari ghas char ke dekhte hain

gae zamane ki baaten hain shakl aur surat

bas ab to ahl-e-nazar KHam kamar ke dekhte hain

suna hai pyar hai us ko clean chehron se

so hum bhi chehre se daDhi katar ke dekhte hain