adu ki un ke kuche mein marammat hone wali hai

adū kī un ke kūche meñ marammat hone vaalī hai

kisī kī aaj be-paisa hajāmat hone vaalī hai

sunā hai vo barahna ho ke aate haiñ sar-e-mahshar

qayāmat meñ bhī ik barpā qayāmat hone vaalī hai

duā.eñ māñgtā huuñ is liye baavā ke marne kī

ki jo daulat hai un kī mā-badaulat hone vaalī hai

maza to jab hai apne saath vo mujh ko kabhī le jaa.e

adū ke ghar par us saale kī dāvat hone vaalī hai

jo ham pādeñ kabhī to be-hayā ham ko batāte haiñ

jo ḳhud pādeñ to kahte haiñ ki sehat hone vaalī hai

shab-e-va.ada abhī kyā hai abhī to peT phūlegā

abhī ik aur bhī barpā qayāmat hone vaalī hai

are ai 'būm' kyoñ ghabrā rahā hai kuchh ḳhabar bhī hai

ki munnā laal sāhab kī ināyat hone vaalī hai

adu ki un ke kuche mein marammat hone wali hai

kisi ki aaj be-paisa hajamat hone wali hai

suna hai wo barahna ho ke aate hain sar-e-mahshar

qayamat mein bhi ek barpa qayamat hone wali hai

duaen mangta hun is liye bawa ke marne ki

ki jo daulat hai un ki ma-badaulat hone wali hai

maza to jab hai apne sath wo mujh ko kabhi le jae

adu ke ghar par us sale ki dawat hone wali hai

jo hum paden kabhi to be-haya hum ko batate hain

jo KHud paden to kahte hain ki sehat hone wali hai

shab-e-wada abhi kya hai abhi to peT phulega

abhi ek aur bhi barpa qayamat hone wali hai

are ai 'bum' kyon ghabra raha hai kuchh KHabar bhi hai

ki munna lal sahab ki inayat hone wali hai