beTa biswin sadi ka

beTe ko pahle kahte the āñkhoñ kā nuur hai

lekin ye ab hamārī nazar kā qusūr hai

kuchh dil se ehtirām nahīñ vāldain kā

bezār apne diin se maz.hab se duur hai

collage to darkinār jo haiñ diinī madrase

ādāb-e-maġhribī kā yahāñ bhī zuhūr hai

kuchh maqsad-e-hayāt na ḳhauf-e-ḳhudā use

jannat kī aarzū hai na mushtāq-e-hūr hai

b-a meñ paḌh rahā hai ye knowledge kā haal hai

naqshe meñ lucknow ko kahe kanpur hai

beTe meñ chāhe laakh ḳharābī ho 'muḳhtasar'

shādī ke vaqt bā.is-e-income zarūr hai

beTe ko pahle kahte the aankhon ka nur hai

lekin ye ab hamari nazar ka qusur hai

kuchh dil se ehtiram nahin waldain ka

bezar apne din se mazhab se dur hai

collage to darkinar jo hain dini madrase

aadab-e-maghribi ka yahan bhi zuhur hai

kuchh maqsad-e-hayat na KHauf-e-KHuda use

jannat ki aarzu hai na mushtaq-e-hur hai

b-a mein paDh raha hai ye knowledge ka haal hai

naqshe mein lucknow ko kahe kanpur hai

beTe mein chahe lakh KHarabi ho 'muKHtasar'

shadi ke waqt bais-e-income zarur hai