dil ke bahlane ko dil mein koi dilbar rakhna

dil ke bahlāne ko dil meñ koī dilbar rakhnā

aur begam kī nigāhoñ se bachā kar rakhnā

saare ahbāb meñ bad-nām tumheñ kar degī

apne ahvāl paḌosan se chhupā kar rakhnā

kaam agar apnā banānā hai to phir is ke liye

haath meñ apne koī ek minister rakhnā

gar kamānā ho to degrē pe bharosa na karo

DugDugī haath meñ aur saath meñ bandar rakhnā

duur tak naam kī tash.hīr agar hai manzūr

jaarī tanqīd adīboñ pe barābar rakhnā

hoñ fasādāt to apne ko chhupāne ke liye

apne āñgan meñ koī peḌ tanāvar rakhnā

aam filmoñ ke tufail aaj hue love-latter

post office meñ ka.ī ek kabūtar rakhnā

ġhair mad.ū ko kisī tarah na baḌhne deñge

bazm-e-jauhar meñ qadam soch samajh kar rakhnā

mas.ale kyuuñ na hoñ sangīn se sangīn 'rahīm'

qahqahe kal ke liye un ke uThā kar rakhnā

dil ke bahlane ko dil mein koi dilbar rakhna

aur begam ki nigahon se bacha kar rakhna

sare ahbab mein bad-nam tumhein kar degi

apne ahwal paDosan se chhupa kar rakhna

kaam agar apna banana hai to phir is ke liye

hath mein apne koi ek minister rakhna

gar kamana ho to degree pe bharosa na karo

DugDugi hath mein aur sath mein bandar rakhna

dur tak nam ki tashhir agar hai manzur

jari tanqid adibon pe barabar rakhna

hon fasadat to apne ko chhupane ke liye

apne aangan mein koi peD tanawar rakhna

aam filmon ke tufail aaj hue lowe-latter

post office mein kai ek kabutar rakhna

ghair madu ko kisi tarah na baDhne denge

bazm-e-jauhar mein qadam soch samajh kar rakhna

masale kyun na hon sangin se sangin 'rahim'

qahqahe kal ke liye un ke uTha kar rakhna