jab se main sahib-e-kitab hua

jab se maiñ sāhib-e-kitāb huā

dost jal kar mirā kabāb huā

muft meñ maiñ jo dastiyāb huā

merā lākhoñ meñ intiḳhāb huā

saarī ġhazleñ sunā ke chhoḌā hai

is se milnā to ik azaab huā

pahle pāgal hī mujh ko kahte the

shā.iroñ meñ ab injizāb huā

pesh-rau pī ke ḳhuub likhte the

is liye mā.il-e-sharāb huā

jism burqe meñ aur muñh bāhar

be-hayā ye bhī kuchh hijāb huā

Dar ke maare nikal ga.e diide

mere aage vo be-naqāb huā

us ko nākām kar diyā tū ne

apne maqsad meñ kāmyāb huā

jab se ruḳhsat huā shabāb 'rahīm'

tab se maiñ mā.il-e-ḳhizāb huā

jab se main sahib-e-kitab hua

dost jal kar mera kabab hua

muft mein main jo dastiyab hua

mera lakhon mein intiKHab hua

sari ghazlen suna ke chhoDa hai

is se milna to ek azab hua

pahle pagal hi mujh ko kahte the

shairon mein ab injizab hua

pesh-rau pi ke KHub likhte the

is liye mail-e-sharab hua

jism burqe mein aur munh bahar

be-haya ye bhi kuchh hijab hua

Dar ke mare nikal gae dide

mere aage wo be-naqab hua

us ko nakaam kar diya tu ne

apne maqsad mein kaamyab hua

jab se ruKHsat hua shabab 'rahim'

tab se main mail-e-KHizab hua