lat uTTha hath uTTha juta uTha my dear

laat uTThā haath uTThā juutā uThā my dear

apne siine se magar mujh ko lagā my dear

ek cup chaa.e banā zahr milā my dear

sabr kā ghūñT na is tarah pilā my dear

is na.e daur meñ farsūda rivāyat pe na jā

shādī se pahle honeymōn manā my dear

jab bhī chāhūñ tire father kī ghumā duuñ chābī

apnī mummy ko magar tū bhī paTā my dear

baat manvanī hai arbāb-e-hukūmat se agar

nit-na.e Dhoñg rachā dhuum machā my dear

mil hī jā.egī ġhazal tujh ko koī ek nahīñ

apne ustād ko par chaa.e pilā my dear

apnī dāmādī kā baḳhsheñge sharaf abbā tire

gar nahīñ tujh ko yaqīñ shart lagā my dear

'ishq kā aaj uTThā dekh janāza 'vāhid'

jhūTe Tisve hī sahī kuchh to bahā my dear

lat uTTha hath uTTha juta uTha my dear

apne sine se magar mujh ko laga my dear

ek cup chae bana zahr mila my dear

sabr ka ghunT na is tarah pila my dear

is nae daur mein farsuda riwayat pe na ja

shadi se pahle honeymoon mana my dear

jab bhi chahun tere father ki ghuma dun chabi

apni mummy ko magar tu bhi paTa my dear

baat manwani hai arbab-e-hukumat se agar

nit-nae Dhong racha dhum macha my dear

mil hi jaegi ghazal tujh ko koi ek nahin

apne ustad ko par chae pila my dear

apni damadi ka baKHshenge sharaf abba tere

gar nahin tujh ko yaqin shart laga my dear

'ishq ka aaj uTTha dekh janaza 'wahid'

jhuTe Tiswe hi sahi kuchh to baha my dear