shab-e-wada idhar mujhko hansi si aai jati hai

shab-e-va.ada idhar mujh ko hañsī sī aa.ī jaatī hai

udhar un kī nazar hai ḳhud-baḳhud sharmā.ī jaatī hai

abe saale rahā hai raat bhar dushman ke pahlū meñ

tire chehre se kuchh sharmindagī sī paa.ī jaatī hai

diyā karte haiñ mujh ko ātishīñ ruḳhsār kā bosa

samajhtā huuñ tabī.at ab merī garmā.ī jaatī hai

buḌhāpā hai ki mujh par rāt-din vo aa.e jaatā hai

javānī hai ki tujh par raat aur din chhā.ī jaatī hai

shab-e-va.ada unheñ saḳhtī se maiñ lipTā to farmāyā

ajī chhoḌo tabī.at ab merī ghabrā.ī jaatī hai

ye aisā kaam hai jo saat pardoñ meñ nahīñ chhuptā

kahīñ bhī hoñ hazāroñ kos tak rusvā.ī jaatī hai

merī ḳhalvat meñ rakkhī haiñ barahna terī tasvīreñ

tabī.at bas unhīñ se rāt-din bahlā.ī jaatī hai

shab-e-va.ada bhī koshish kar rahe haiñ mujh se bachne kī

kuchh aisī baat mere kaan meñ samjhā.ī jaatī hai

abe maiñ jāntā huuñ us meñ koī raaz pinhāñ hai

raqīboñ se mere sar kī qasam jo khaa.ī jaatī hai

hazāroñ raat guzrīñ is tarah se dil ko bahlāte

vo ab aate haiñ ab tashrīf un kī aa.ī jaatī hai

zamāna ho gayā is kaam ko is baat ko guzre

magar chehre pe ab bhī sharm sī kuchh paa.ī jaatī hai

javānī kā zamāna phir javānī kā zamāna hai

bache insān kitnā hī tabī.at aa.ī jaatī hai

kalām achchhā sunā.e yā sunā.e fuhsh vo ġhazleñ

janāb-e-'būm' se mahfil meñ raunaq aa.ī jaatī he

shab-e-wada idhar mujh ko hansi si aai jati hai

udhar un ki nazar hai KHud-baKHud sharmai jati hai

abe sale raha hai raat bhar dushman ke pahlu mein

tere chehre se kuchh sharmindagi si pai jati hai

diya karte hain mujh ko aatishin ruKHsar ka bosa

samajhta hun tabiat ab meri garmai jati hai

buDhapa hai ki mujh par raat-din wo aae jata hai

jawani hai ki tujh par raat aur din chhai jati hai

shab-e-wada unhen saKHti se main lipTa to farmaya

aji chhoDo tabiat ab meri ghabrai jati hai

ye aisa kaam hai jo sat pardon mein nahin chhupta

kahin bhi hon hazaron kos tak ruswai jati hai

meri KHalwat mein rakkhi hain barahna teri taswiren

tabiat bas unhin se raat-din bahlai jati hai

shab-e-wada bhi koshish kar rahe hain mujh se bachne ki

kuchh aisi baat mere kan mein samjhai jati hai

abe main jaanta hun us mein koi raaz pinhan hai

raqibon se mere sar ki qasam jo khai jati hai

hazaron raat guzrin is tarah se dil ko bahlate

wo ab aate hain ab tashrif un ki aai jati hai

zamana ho gaya is kaam ko is baat ko guzre

magar chehre pe ab bhi sharm si kuchh pai jati hai

jawani ka zamana phir jawani ka zamana hai

bache insan kitna hi tabiat aai jati hai

kalam achchha sunae ya sunae fuhsh wo ghazlen

janab-e-'bum' se mahfil mein raunaq aai jati he