ادھر تم پر جو آیا میری جان جاں شباب آدھا

ادھر تم پر جو آیا میری جان جاں شباب آدھا

تڑپ اٹھا ادھر میرا دل خانہ خراب آدھا

ابھی میں اس کے جلوؤں سے ہوا تھا فیضیاب آدھا

کہ ظالم نے اٹھا کر پھر گرایا ہے نقاب آدھا

دل وحشی مرا دو حسن کے پیکر میں الجھا ہے

مکمل اک جواں ہے دوسری پر ہے شباب آدھا

ہر اک ننگا نظر آئے گا اک دن دیکھنا تم بھی

ابھی دنیائے فیشن میں ہے آیا انقلاب آدھا

نوازش اس نے مجھ کو گھر بلا کر اس طرح سے کی

کبھی روٹی ملی آدھی کبھی کھایا کباب آدھا

وصال ہجر میں اس کے یہ لذت میں نے پائی ہے

کہ جیسے کوئی پھل ہو آدھا اچھا اور خراب آدھا

ہوا آخر جہاں سے گول آج استاد واحدؔ بھی

چلو اچھا ہوا سر سے ٹلا یارو عذاب آدھا