wazir ki dusri shadi

karachi meñ kamar bāñdhe hue sab yaar baiThe haiñ

biyāhe jā chuke ik baar phir tayyār baiThe haiñ

jise dekho vahī hai dūsrī biivī ke chakkar meñ

ġhanīmat hai muvahhid jo yahāñ do-chār baiThe haiñ

na chheḌ ai shaiḳh ham yūñhī bhale chal raah lag apnī

tujhe to bīviyāñ sūjhī haiñ ham bezār baiThe haiñ

na kar leñ chaar jab tak shaiḳh-jī kyuuñ dam lageñ lene

vo do kar ke bhī kahte haiñ ki ham be-kār baiThe haiñ

kahāñ ab chain ghar kā jab se biivī dūsrī aa.ī

nazar aayā jahāñ par sāya-e-dīvār baiThe haiñ

balā-e-nāgahānī hai havā-e-zauja-sānī

jo biivī jiit kar uTThe vazārat haar baiThe haiñ

karachi mein kamar bandhe hue sab yar baiThe hain

biyahe ja chuke ek bar phir tayyar baiThe hain

jise dekho wahi hai dusri biwi ke chakkar mein

ghanimat hai muwahhid jo yahan do-chaar baiThe hain

na chheD ai shaiKH hum yunhi bhale chal rah lag apni

tujhe to biwiyan sujhi hain hum bezar baiThe hain

na kar len chaar jab tak shaiKH-ji kyun dam lagen lene

wo do kar ke bhi kahte hain ki hum be-kar baiThe hain

kahan ab chain ghar ka jab se biwi dusri aai

nazar aaya jahan par saya-e-diwar baiThe hain

bala-e-nagahani hai hawa-e-zauja-sani

jo biwi jit kar uTThe wazarat haar baiThe hain