ye sas hai ki sher chhupa hai naqab mein

ye saas hai ki sher chhupā hai naqāb meñ

allāh kisī ko saas na deve shabāb meñ

hairāñ huuñ dil ko ro.uuñ yā pīTūñ jigar ko maiñ

sotī hai vo sambhāltī huuñ saare ghar ko maiñ

billū ko chup karā.ūñ ki mārūñ qamar ko maiñ

farsh-e-zamīn dho.ūñ ki māñjūñ kukar ko maiñ

ro ro ke yaad kartī huuñ father pidar ko maiñ

dikhtī hai saas hī mujhe dekhūñ jidhar ko maiñ

har ik se pūchhtī huuñ ki dekhūñ kidhar ko maiñ

nāz-o-adā se thaam ke apnī kamar ko maiñ

jab apnā dukh sunā.ūñ qamar ke pidar ko maiñ

kahte haiñ dekh aag lagā dūñgā ghar ko maiñ

achchhā yahī hai DhūñD le rāhat azaab meñ

ḳhushiyoñ kā zikr kufr hai merī janāb meñ

ye sas hai ki sher chhupa hai naqab mein

allah kisi ko sas na dewe shabab mein

hairan hun dil ko roun ya piTun jigar ko main

soti hai wo sambhaalti hun sare ghar ko main

billu ko chup karaun ki marun qamar ko main

farsh-e-zamin dhoun ki manjun kukar ko main

ro ro ke yaad karti hun father pidar ko main

dikhti hai sas hi mujhe dekhun jidhar ko main

har ek se puchhti hun ki dekhun kidhar ko main

naz-o-ada se tham ke apni kamar ko main

jab apna dukh sunaun qamar ke pidar ko main

kahte hain dekh aag laga dunga ghar ko main

achchha yahi hai DhunD le rahat azab mein

KHushiyon ka zikr kufr hai meri janab mein