aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dagh-e-firaq se kya puchho ho aag lagai sine mein

Meer Taqi Meer

dagh-e-firaq se kya puchho ho aag lagai sine mein

Meer Taqi Meer

MORE BYMeer Taqi Meer

    dāġh-e-firāq se kyā pūchho ho aag lagā.ī siine meñ

    chhātī se vo mah na lagā Tuk aa kar is bhī mahīne meñ

    chaak huā dil TukḌe jigar hai lohū ro.e āñkhoñ se

    ishq ne kyā kyā zulm dikhā.e das din ke is jiine meñ

    gūñdh ke goyā pattī gul vo tarkīb banā.ī hai

    rang badan tab dekho jab cholī bhīge pasīne meñ

    is sūrat naaz na thā kuchh dab chaltā thā ham se bhī

    jab tak dekhā un ne na thā muñh ḳhuub apnā ā.īne meñ

    logoñ meñ islām ke ho na shohrat is rusvā.ī

    shaiḳh ko pherā gadhe chaḌhā kar makke aur madīne meñ

    dil na TaToleñ kāshke us sardī-e-mehr to zāhir hai

    pāveñ us ko garm mubādā yaar hamāre kiine meñ

    'mīr' ne kyā kyā zabt kiyā hai shauq meñ ashk-e-ḳhūnīñ ko

    kahiye jo taqsīr huī ho apnā lohū piine meñ

    dagh-e-firaq se kya puchho ho aag lagai sine mein

    chhati se wo mah na laga Tuk aa kar is bhi mahine mein

    chaak hua dil TukDe jigar hai lohu roe aankhon se

    ishq ne kya kya zulm dikhae das din ke is jine mein

    gundh ke goya patti gul ki wo tarkib banai hai

    rang badan ka tab dekho jab choli bhige pasine mein

    is surat ka naz na tha kuchh dab chalta tha hum se bhi

    jab tak dekha un ne na tha munh KHub apna aaine mein

    logon mein islam ke ho na shohrat is ruswai ki

    shaiKH ko phera gadhe chaDha kar makke aur madine mein

    dil na TaTolen kashke us ka sardi-e-mehr to zahir hai

    pawen us ko garm mubaada yar hamare kine mein

    'mir' ne kya kya zabt kiya hai shauq mein ashk-e-KHunin ko

    kahiye jo taqsir hui ho apna lohu pine mein

    Source:

    MIRIYAAT - Diwan No- 4, Ghazal No- 1460

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now