dil dil log kaha karte hain tumne jaana kya hai dil

dil dil log kahā karte haiñ tum ne jaanā kyā hai dil

chashm-e-basīrat vā hove to ‘ajā.ib-e-dīd kī jā hai dil

auj-o-mauj kā āshob us ke le ke zamīñ se falak tak hai

sūrat meñ to qatra-e-ḳhūñ hai mā'nī meñ dariyā hai dil

jaise sahrā ko kushāda dāman ham tum sunte aate haiñ

band kar āñkheñ Tuk dekho to vaisā hī sahrā hai dil

kohkan-o-majnūñ vāmiq tum jis se pūchho batā deve

'ishq-o-junūñ ke shahroñ meñ har chaar taraf rusvā hai dil

haa.e ġhayūrī dil kī apne daaġh kiyā hai ḳhud-sar ne

jī hī jis ke liye jaatā hai us se be-parvā hai dil

mat pūchho kyoñ ziist karo ho murde se afsurda tum

hijr meñ us ke ham logoñ ne barsoñ tak maarā hai dil

'mīr' pareshāñ dil ke ġham meñ kyā kyā ḳhātir-dārī kī

ḳhaak meñ milte kyoñ na phireñ ab ḳhuun ho bah bhī gayā hai dil

dil dil log kaha karte hain tum ne jaana kya hai dil

chashm-e-basirat wa howe to ‘ajaib-e-did ki ja hai dil

auj-o-mauj ka aashob us ke le ke zamin se falak tak hai

surat mein to qatra-e-KHun hai ma'ni mein dariya hai dil

jaise sahra ko kushada daman hum tum sunte aate hain

band kar aankhen Tuk dekho to waisa hi sahra hai dil

kohkan-o-majnun wamiq tum jis se puchho bata dewe

'ishq-o-junun ke shahron mein har chaar taraf ruswa hai dil

hae ghayuri dil ki apne dagh kiya hai KHud-sar ne

ji hi jis ke liye jata hai us se be-parwa hai dil

mat puchho kyon zist karo ho murde se afsurda tum

hijr mein us ke hum logon ne barson tak mara hai dil

'mir' pareshan dil ke gham mein kya kya KHatir-dari ki

KHak mein milte kyon na phiren ab KHun ho bah bhi gaya hai dil