hum to mutrib-pisar ke jate hain

ham to mutrib-pisar ke jaate haiñ

go raqībāñ kuchh aur gaate haiñ

ḳhaak meñ loTte the kal tujh bin

aaj lohū meñ ham nahāte haiñ

ai adam hone vaalo tum to chalo

ham bhī ab koī dam meñ aate haiñ

ek kahtā huuñ maiñ to muñh pe raqīb

terī pushtī se sau sunāte haiñ

qaaf

dīda-o-dil kā kyā kiyā thā maiñ

roz aafat jo mujh pe laate haiñ

koī rove hai koī taḌpe hai

kyā karūñ mere ghar se aate haiñ

varna maiñ 'mīr' huuñ mire aage

dasht-e-ġham bhī na Tikne paate haiñ

khod gāḌūñ zamīñ meñ donoñ ko

garche ye āsmāñ pe jaate haiñ

dīda-o-dil shitāb gum hoñ 'mīr'

sar pe aafat hamesha laate haiñ

hum to mutrib-pisar ke jate hain

go raqiban kuchh aur gate hain

KHak mein loTte the kal tujh bin

aaj lohu mein hum nahate hain

ai adam hone walo tum to chalo

hum bhi ab koi dam mein aate hain

ek kahta hun main to munh pe raqib

teri pushti se sau sunate hain

qaf

dida-o-dil ka kya kiya tha main

roz aafat jo mujh pe late hain

koi rowe hai koi taDpe hai

kya karun mere ghar se aate hain

warna main 'mir' hun mere aage

dasht-e-gham bhi na Tikne pate hain

khod gaDun zamin mein donon ko

garche ye aasman pe jate hain

dida-o-dil shitab gum hon 'mir'

sar pe aafat hamesha late hain