shahron mulkon mein jo ye mir kahata hai miyan
shahroñ mulkoñ meñ jo ye 'mīr' kahātā hai miyāñ
dīdanī hai pe bahut kam nazar aatā hai miyāñ
aalam ā.īna hai jis kā vo musavvir-e-be-misl
haa.e kyā sūrateñ parde meñ banātā hai miyāñ
qismat us bazm meñ laa.ī ki jahāñ kā saaqī
de hai mai sab ko hameñ zahr pilātā hai miyāñ
ho ke āshiq tire jān-o-dil-o-dīñ kho baiThe
jaisā kartā hai koī vaisā hī paatā hai miyāñ
husn yak chiiz hai ham hoveñ ki tū ho nāseh
aisī shai se koī bhī haath uThātā hai miyāñ
jhakkaḌ is hādse kā koh-e-girāñ-sañg ko bhī
juuñ par-e-kāh uḌaa.e liye jaatā hai miyāñ
kyā parī-ḳhvāñ hai jo rātoñ ko jagāve hai 'mīr'
shaam se dil jigar-o-jān jalātā hai miyāñ
shahron mulkon mein jo ye 'mir' kahata hai miyan
didani hai pe bahut kam nazar aata hai miyan
aalam aaina hai jis ka wo musawwir-e-be-misl
hae kya suraten parde mein banata hai miyan
qismat us bazm mein lai ki jahan ka saqi
de hai mai sab ko hamein zahr pilata hai miyan
ho ke aashiq tere jaan-o-dil-o-din kho baiThe
jaisa karta hai koi waisa hi pata hai miyan
husn yak chiz hai hum howen ki tu ho naseh
aisi shai se koi bhi hath uThata hai miyan
jhakkaD is hadse ka koh-e-giran-sang ko bhi
jun par-e-kah uDae liye jata hai miyan
kya pari-KHwan hai jo raaton ko jagawe hai 'mir'
sham se dil jigar-o-jaan jalata hai miyan
- Book : MIRIYAAT - Diwan No- 3, Ghazal No- 1201
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.