tajahul taghaful tasahul kiya

tajāhul taġhāful tasāhul kiyā

huā kaam mushkil tavakkul kiyā

nahīñ taab laatā dil-e-zār ab

bahut ham ne sabr-o-tahammul kiyā

zamīn-e-ġhazal milk sī ho ga.ī

ye qit.a tasarruf maiñ bilkul kiyā

junūñ thā na mujh ko na chup rah sakā

ki zanjīr TuuTī to maiñ ġhul kiyā

na soz-e-darūñ fasl-e-gul meñ chhupā

sar-o-sīna se daaġh ne gul kiyā

hameñ shauq ne sāhabo kho diyā

ġhulāmoñ se us ke tavassul kiyā

haqīqat na 'mīr' apnī samjhī ga.ī

shab-o-roz ham ne ta.ammul kiyā

tajahul taghaful tasahul kiya

hua kaam mushkil tawakkul kiya

nahin tab lata dil-e-zar ab

bahut hum ne sabr-o-tahammul kiya

zamin-e-ghazal milk si ho gai

ye qita tasarruf main bilkul kiya

junun tha na mujh ko na chup rah saka

ki zanjir TuTi to main ghul kiya

na soz-e-darun fasl-e-gul mein chhupa

sar-o-sina se dagh ne gul kiya

hamein shauq ne sahabo kho diya

ghulamon se us ke tawassul kiya

haqiqat na 'mir' apni samjhi gai

shab-o-roz hum ne tammul kiya