aap mahbub-e-KHuda ya-mustafa

aap mahbūb-e-ḳhudā yā-mustafā

ho gayā dil aap kā yā-mustafā

vo haqīqat meñ kahā allāh ne

aap ne jo kuchh kahā yā-mustafā

aap par aur aap ke farmān par

jān-o-dil se ham fidā yā-mustafā

aap ke naqsh-e-qadam par ham chaleñ

aap sab ke rahnumā yā-mustafā

vāliyān-e-mulk sultāñ tājvar

aap ke dar ke gadā yā-mustafā

ummatoñ meñ afzal ummat aap kī

aap shāh-e-ambiyā yā-mustafā

dīn-e-haq kī aap ne ta.alīm dī

aap haq haiñ haq-numā yā-mustafā

aap hī ne to kiyā insān ko

ḳhud-nigar ḳhud-āshnā yā-mustafā

aap par haiñ ḳhatm saarī azmateñ

thā na hogā aap sā yā-mustafā

har ghaḌī maiñ aap par bhejūñ darūd

dil kahe salle-alā yā-mustafā

aap mahbub-e-KHuda ya-mustafa

ho gaya dil aap ka ya-mustafa

wo haqiqat mein kaha allah ne

aap ne jo kuchh kaha ya-mustafa

aap par aur aap ke farman par

jaan-o-dil se hum fida ya-mustafa

aap ke naqsh-e-qadam par hum chalen

aap sab ke rahnuma ya-mustafa

waliyan-e-mulk sultan tajwar

aap ke dar ke gada ya-mustafa

ummaton mein afzal ummat aap ki

aap shah-e-ambiya ya-mustafa

din-e-haq ki aap ne talim di

aap haq hain haq-numa ya-mustafa

aap hi ne to kiya insan ko

KHud-nigar KHud-ashna ya-mustafa

aap par hain KHatm sari azmaten

tha na hoga aap sa ya-mustafa

har ghaDi main aap par bhejun darud

dil kahe salle-ala ya-mustafa