ai salatin ke sultan madine wale

ai salātīn ke sultān madīne vaale

tum pe qurbān mirī jaan madīne vaale

marhabā sall-e-'alā ye bashariyyat kā maqām

'arsh vaale ke haiñ mehmān madīne vaale

aap kī zāt-e-girāmī hai ḳhudā kī maz.har

aap haiñ bolte qur.ān madīne vaale

tum sā koī na huā hai na kabhī bhī hogā

tum se insān hai zīshān madīne vaale

kyoñ na qadmoñ pe jhuke saare zamāne kī jabīñ

tum ho allāh kā farmān madīne vaale

tum ne baḳhshe haiñ jahālat ko do-'ālam ke ‘ulūm

tum ho rūhoñ kā dabistān madīne vaale

tum ne sochoñ ko falak-bos nigāheñ baḳhshīñ

ye bhī ummat pe hai ehsān madīne vaale

rū-e-tābān-e-risālat ko jo dekhā hai kabhī

aa.ine ho ga.e hairān madīne vaale

mujh ko iḳhlās kā duniyā ne diyā hai ye sila

mere dāman meñ haiñ bohtān madīne vaale

kyoñ na jāgeñ mirī āñkhoñ meñ darūdoñ ke charāġh

maiñ tumhārā huuñ suḳhan-dān madīne vaale

kyoñ na 'zauqī' ke taḳhayyul kā mahal ho raushan

tum ho afkār kā dālān madīne vaale

ai salatin ke sultan madine wale

tum pe qurban meri jaan madine wale

marhaba sall-e-'ala ye bashariyyat ka maqam

'arsh wale ke hain mehman madine wale

aap ki zat-e-girami hai KHuda ki mazhar

aap hain bolte quran madine wale

tum sa koi na hua hai na kabhi bhi hoga

tum se insan hai zishan madine wale

kyon na qadmon pe jhuke sare zamane ki jabin

tum ho allah ka farman madine wale

tum ne baKHshe hain jahaalat ko do-'alam ke ‘ulum

tum ho ruhon ka dabistan madine wale

tum ne sochon ko falak-bos nigahen baKHshin

ye bhi ummat pe hai ehsan madine wale

ru-e-taban-e-risalat ko jo dekha hai kabhi

aaine ho gae hairan madine wale

mujh ko iKHlas ka duniya ne diya hai ye sila

mere daman mein hain bohtan madine wale

kyon na jagen meri aankhon mein darudon ke charagh

main tumhaara hun suKHan-dan madine wale

kyon na 'zauqi' ke taKHayyul ka mahal ho raushan

tum ho afkar ka dalan madine wale