chheDo na zamane ka qasida mere aage

chheḌo na zamāne kā qasīda mire aage

bas karte raho zikr-e-madīna mire aage

masnad pe sunātā huuñ maiñ sarkār kī nā’teñ

kyā chiiz hai vo auj-e-surayyā mire aage

sarkār ke jalvoñ se munavvar hai ye siina

aatā nahīñ duniyā kā añdherā mire aage

ai kaash sar-e-hashr vo aa jaa.eñ madad ko

jab aa.e gunāhoñ kā pulanda mire aage

dikhlāo na duniyā ke nazāre mujhe logo

rakh do dar-e-sarkār kā naqsha mire aage

kirdār maiñ apnā.uñgā kyoñ ġhair kā 'faisal'

hai sarvar-e-kaunain kā usva mire aage

chheDo na zamane ka qasida mere aage

bas karte raho zikr-e-madina mere aage

masnad pe sunata hun main sarkar ki na’ten

kya chiz hai wo auj-e-surayya mere aage

sarkar ke jalwon se munawwar hai ye sina

aata nahin duniya ka andhera mere aage

ai kash sar-e-hashr wo aa jaen madad ko

jab aae gunahon ka pulanda mere aage

dikhlao na duniya ke nazare mujhe logo

rakh do dar-e-sarkar ka naqsha mere aage

kirdar main apnaunga kyon ghair ka 'faisal'

hai sarwar-e-kaunain ka uswa mere aage