darud paDhte hain sang-reze hai tera husn-e-maqal kaisa

darūd paḌhte haiñ sang-reze hai terā husn-e-maqāl kaisā

kiyā vo shaqq-ul-qamar falak par kamāl hai aur kamāl kaisā

mai-e-mohabbat ke chand qatroñ meñ kyā bahak jā.ūñgā maiñ tauba

ki bāda-mast-e-azal huuñ saaqī mirī taraf ye ḳhayāl kaisā

azal ke din kī khiñchī huī ho ḳhudā kī tayyār kī huī ho

surūr is kā rahe abad tak ḳhumār kaisā zavāl kaisā

labālab ai sāqī-e-arab de mai-e-tarab de mai-e-tarab de

mirā to ye hai ki be-talab de saḳhī ke dar par savāl kaisā

ḳhudā kā mahbūb ḳhud mohammad hijāz kā chāñd rahmat-e-haq

milā hai makke ke sang-rezo se aamna tujh ko laal kaisā

habīb-e-haq muḳhbir-e-haqīqat rasūl-e-ḳhātam amīn-e-asrī

jamāl kaisā maqāl kaisā kamāl kaisā jalāl kaisā

'ra.īs' ā.eñge mere aaqā zarūr marqad meñ vaqt-e-pursish

vafūr-e-jazbāt kī badaulat yaqīñ hai dil ko ḳhayāl kaisā

darud paDhte hain sang-reze hai tera husn-e-maqal kaisa

kiya wo shaqq-ul-qamar falak par kamal hai aur kamal kaisa

mai-e-mohabbat ke chand qatron mein kya bahak jaunga main tauba

ki baada-mast-e-azal hun saqi meri taraf ye KHayal kaisa

azal ke din ki khinchi hui ho KHuda ki tayyar ki hui ho

surur is ka rahe abad tak KHumar kaisa zawal kaisa

labaalab ai saqi-e-arab de mai-e-tarab de mai-e-tarab de

mera to ye hai ki be-talab de saKHi ke dar par sawal kaisa

KHuda ka mahbub KHud mohammad hijaz ka chand rahmat-e-haq

mila hai makke ke sang-rezo se aamna tujh ko lal kaisa

habib-e-haq muKHbir-e-haqiqat rasul-e-KHatam amin-e-asri

jamal kaisa maqal kaisa kamal kaisa jalal kaisa

'rais' aaenge mere aaqa zarur marqad mein waqt-e-pursish

wafur-e-jazbaat ki badaulat yaqin hai dil ko KHayal kaisa