habib-e-kibriya sarkar-e-batha

habīb-e-kibriyā sarkār-e-bat.hā

jamāl-e-haq-numā sarkār-e-bat.hā

muhibb-e-do-sarā sarkār-e-bat.hā

hamārā aasrā sarkār-e-bat.hā

unhī ke dam se hai īmāñ hamārā

haiñ diiñ ke nāḳhudā sarkār-e-bat.hā

hai dil meñ yaad to yād-e-mohammad

haiñ dil se kab judā sarkār-e-bat.hā

chalo un se kaheñ dil kī tamannā

ki haiñ shāh-e-hudā sarkār-e-bat.hā

haiñ un ke nuur se raushan fazā.eñ

do-ālam kī ziyā sarkār-e-bat.hā

na ho 'bahzād' kyoñ bat.hā munavvar

ki haiñ shamsuzzuhā sarkār-e-bat.hā

habib-e-kibriya sarkar-e-batha

jamal-e-haq-numa sarkar-e-batha

muhibb-e-do-sara sarkar-e-batha

hamara aasra sarkar-e-batha

unhi ke dam se hai iman hamara

hain din ke naKHuda sarkar-e-batha

hai dil mein yaad to yaad-e-mohammad

hain dil se kab juda sarkar-e-batha

chalo un se kahen dil ki tamanna

ki hain shah-e-huda sarkar-e-batha

hain un ke nur se raushan fazaen

do-alam ki ziya sarkar-e-batha

na ho 'bahzad' kyon batha munawwar

ki hain shamsuzzuha sarkar-e-batha