hain shah-e-bahr-o-bar madine mein

haiñ shah-e-bahr-o-bar madīne meñ

kyā ġharībī kā Dar madīne meñ

chal ke honā na tū kahīñ betāb

dekh ai chashm-e-tar madīne meñ

zarre zarre meñ hai jamāl un kā

mast hai har nazar madīne meñ

kaash tā-zindagī guzarte raheñ

mere shām-o-sahar madīne meñ

maiñ yahāñ par paḌā huuñ zār-o-nazār

dil hai al-muḳhtasar madīne meñ

kyā kabhī zindagī meñ mumkin hai

shab yahāñ ho sahar madīne meñ

hai ḳhudā se yahī duā 'bahzād'

zindagī ho basar madīne meñ

hain shah-e-bahr-o-bar madine mein

kya gharibi ka Dar madine mein

chal ke hona na tu kahin betab

dekh ai chashm-e-tar madine mein

zarre zarre mein hai jamal un ka

mast hai har nazar madine mein

kash ta-zindagi guzarte rahen

mere sham-o-sahar madine mein

main yahan par paDa hun zar-o-nazar

dil hai al-muKHtasar madine mein

kya kabhi zindagi mein mumkin hai

shab yahan ho sahar madine mein

hai KHuda se yahi dua 'bahzad'

zindagi ho basar madine mein