ہنستے ہوئے مرنے کی دعا مانگ رہا ہوں

ہنستے ہوئے مرنے کی دعا مانگ رہا ہوں

بیمار نبی کا ہوں دوا مانگ رہا ہوں

اب شہر میں پرکیف فضا مانگ رہا ہوں

گیسوئے معنبر کی ہوا مانگ رہا ہوں

اے باد صبا خاک مدینہ ہی اٹھا لا

بے نور نگاہوں کی ضیا مانگ رہا ہوں

اک بار بھی طیبہ کی زیارت ہو میسر

سرکار کی سرکار میں کیا مانگ رہا ہوں

جنت کی طلب ہے نہ خزانے کی تمنا

اک نظر کرم روز جزا مانگ رہا ہوں

گلزار مدینہ کی طرف آنکھ جھکا کر

بلبل سے چہکنے کی ادا مانگ رہا ہوں

سب جود و کرم مانگیں خدا سے شمیم انجمؔ

میں نسبت محبوب خدا مانگ رہا ہوں