ek main hi nahin un par qurban zamana hai

ik maiñ hī nahīñ un par qurbān zamāna hai

jo rabb-e-do-ālam kā mahbūb-e-yagāna hai

kal jis ne hameñ pul se ḳhud paar lagānā hai

zohra kā vo baabā hai sibtain kā naanā hai

us hāshmī dūlhā par kaunain ko maiñ vārūñ

jo husn-o-shamā.il meñ yaktā-e-zamāna hai

izzat se na mar jaa.eñ kyoñ nām-e-mohamād par

ham ne kisī din yuuñ bhī duniyā se to jaanā hai

aao dar-e-zohra par phailā.e hue dāman

hai nasl karīmoñ kī laj-pāl gharānā hai

huuñ shāh-e-madīna kī maiñ pusht-panāhī meñ

kyā is kī mujhe parvā dushman jo zamāna hai

ye kah ke dar-e-haq se lī maut meñ kuchh mohlat

mīlād kī aamad hai mahfil ko sajānā hai

qurbān us aaqā par kal hashr ke din jis ne

is ummat-e-āsī ko kamlī meñ chhupānā hai

sau baar agar tauba TuuTī bhī to hairat kyā

baḳhshish kī rivāyat meñ tauba to bahāna hai

har vaqt vo haiñ merī duniyā-e-tasavvur meñ

ai shauq kahīñ ab to aanā hai na jaanā hai

pur-nūr sī rāheñ haiñ gumbad pe nigāheñ haiñ

jalve bhī anokhe haiñ manzar bhī suhānā hai

ham kyoñ na kaheñ un se rūdād-e-alam apnī

jab un kā kahā ḳhud bhī allāh ne maanā hai

ek main hi nahin un par qurban zamana hai

jo rabb-e-do-alam ka mahbub-e-yagana hai

kal jis ne hamein pul se KHud par lagana hai

zohra ka wo baba hai sibtain ka nana hai

us hashmi dulha par kaunain ko main warun

jo husn-o-shamail mein yakta-e-zamana hai

izzat se na mar jaen kyon nam-e-mohamad par

hum ne kisi din yun bhi duniya se to jaana hai

aao dar-e-zohra par phailae hue daman

hai nasl karimon ki laj-pal gharana hai

hun shah-e-madina ki main pusht-panahi mein

kya is ki mujhe parwa dushman jo zamana hai

ye kah ke dar-e-haq se li maut mein kuchh mohlat

milad ki aamad hai mahfil ko sajaana hai

qurban us aaqa par kal hashr ke din jis ne

is ummat-e-asi ko kamli mein chhupana hai

sau bar agar tauba TuTi bhi to hairat kya

baKHshish ki riwayat mein tauba to bahana hai

har waqt wo hain meri duniya-e-tasawwur mein

ai shauq kahin ab to aana hai na jaana hai

pur-nur si rahen hain gumbad pe nigahen hain

jalwe bhi anokhe hain manzar bhi suhana hai

hum kyon na kahen un se rudad-e-alam apni

jab un ka kaha KHud bhi allah ne mana hai