ek rind hai aur midhat-e-sultan-e-madina

ik rind hai aur mid.hat-e-sultān-e-madīna

haañ koī nazar rahmat-e-sultān-e-madīna

tū sub.h-e-azal ā.ina-e-husn-e-azal bhī

ai salle-alā sūrat-e-sultān-e-madīna

ai ḳhāk-e-madīna tirī galiyoñ ke tasadduq

tū ḳhuld hai tū jannat-e-sultān-e-madīna

zāhir meñ ġharīb-ul-ġhurabā phir bhī ye aalam

shāhoñ se sivā satvat-e-sultān-e-madīna

is tarah ki har saañs ho masrūf-e-ibādat

dekhūñ maiñ dar-e-daulat-e-sultān-e-madīna

kaunain kā ġham yād-e-ḳhudā dard-e-shafā.at

daulat hai yahī daulat-e-sultān-e-madīna

is ummat-e-āsī se na muñh pher ḳhudāyā

nāzuk hai bahut ġhairat-e-sultān-e-madīna

ai jaan ba-lab āmada hushiyār ḳhabar-dār

vo sāmne haiñ hazrat-e-sultān-e-madīna

kuchh aur nahīñ kaam 'jigar' mujh ko kisī se

kaafī hai bas ik nisbat-e-sultān-e-madīna

ek rind hai aur midhat-e-sultan-e-madina

han koi nazar rahmat-e-sultan-e-madina

tu subh-e-azal aaina-e-husn-e-azal bhi

ai salle-ala surat-e-sultan-e-madina

ai KHak-e-madina teri galiyon ke tasadduq

tu KHuld hai tu jannat-e-sultan-e-madina

zahir mein gharib-ul-ghuraba phir bhi ye aalam

shahon se siwa satwat-e-sultan-e-madina

is tarah ki har sans ho masruf-e-ibaadat

dekhun main dar-e-daulat-e-sultan-e-madina

kaunain ka gham yaad-e-KHuda dard-e-shafaat

daulat hai yahi daulat-e-sultan-e-madina

is ummat-e-asi se na munh pher KHudaya

nazuk hai bahut ghairat-e-sultan-e-madina

ai jaan ba-lab aamada hushiyar KHabar-dar

wo samne hain hazrat-e-sultan-e-madina

kuchh aur nahin kaam 'jigar' mujh ko kisi se

kafi hai bas ek nisbat-e-sultan-e-madina