jo aaKHiri nabi hai qadir-o-qadim ka

jo āḳhirī nabī hai qadīr-o-qadīm kā

aaya hai nuur le ke ra.ūfur-rahīm kā

us kī zabāñ hai asl meñ allāh kī zabāñ

lā-raib vo safīr hai rabb-e-‘azīm kā

baḳhshī ga.ī hai us ko zamāne kī sarvarī

hākim hai kā.enāt-e-samī'un-'alīm kā

dosh-e-sabā pe aa.e jo paiġhambar-e-bahār

bazm-e-chaman meñ raqs huā hai nasīm kā

allāh se milā hai jab allāh kā habīb

sab raaz khul gayā hai alif-lām-mīm kā

maddāh ahl-e-dīñ bhī haiñ kāfir bhī mo'tarif

faizān hai ye aap ke lutf-e-amīm kā

tauhīd ke tarāne 'anādil ne gaa.e haiñ

mahkā hai phuul phuul meñ jalva shamīm kā

hairān falsafī haiñ suḳhan-dāñ bhī dang haiñ

ye mo'jiza hai aap kī tab’-e-salīm kā

vo ik jhalak thī nūr-e-payambar kī tuur par

maqsad jalā hai jis meñ nigāh-e-kalīm kā

dil ke hirā meñ sham’-e-risālat hai nūr-bār

'zauqī' pe ye karam hai rasūl-e-karīm kā

jo aaKHiri nabi hai qadir-o-qadim ka

aaya hai nur le ke raufur-rahim ka

us ki zaban hai asl mein allah ki zaban

la-raib wo safir hai rabb-e-‘azim ka

baKHshi gai hai us ko zamane ki sarwari

hakim hai kaenat-e-sami'un-'alim ka

dosh-e-saba pe aae jo paighambar-e-bahaar

bazm-e-chaman mein raqs hua hai nasim ka

allah se mila hai jab allah ka habib

sab raaz khul gaya hai alif-lam-mim ka

maddah ahl-e-din bhi hain kafir bhi mo'tarif

faizan hai ye aap ke lutf-e-amim ka

tauhid ke tarane 'anadil ne gae hain

mahka hai phul phul mein jalwa shamim ka

hairan falsafi hain suKHan-dan bhi dang hain

ye mo'jiza hai aap ki tab’-e-salim ka

wo ek jhalak thi nur-e-payambar ki tur par

maqsad jala hai jis mein nigah-e-kalim ka

dil ke hira mein sham’-e-risalat hai nur-bar

'zauqi' pe ye karam hai rasul-e-karim ka