kabhi badrudduja dekha kabhi shamsuzzuha dekha

kabhī badruddujā dekhā kabhī shamsuzzuhā dekhā

ba-qadr-e-zarf maiñ ne jalva-e-nūrul-hudā dekhā

nigāh-e-‘aql se to paikar-e-ḳhair-ul-varā dekhā

guzar kar sarhad-e-idrāk se kyā jaane kyā dekhā

ḳhudā se kuchh ta'alluq thā na apnī āshnā.ī thī

nabī ke faiz se maiñ ne jamāl-e-kibriyā dekhā

rah-e-zauq-e-talab meñ ek aisā bhī maqām aaya

nazar jis samt uTThī mustafā hī mustafā dekhā

bahāl-e-jazb-o-mastī jab liyā nām-e-nabī maiñ ne

to har pahnā.ī ko pahne hue sall-e-'alā dekhā

chaman kī sūkhtī shāḳhoñ ne jab un ko pukārā hai

bahāroñ ke payambar ko sar-e-dosh-e-sabā dekhā

añdheroñ kī chhaTā.ī se ujāle kar diye paidā

jo nūrānī samundar ne ba-altāf-o-'atā dekhā

kabhī yādoñ ke āñgan meñ jo chamkā nūr-e-sub.hānī

muñDeroñ par harīm-e-dil kī ḳhurshīd-e-hirā dekhā

nigāheñ dhul ga.iiñ jab 'ishq ke āb-e-musaffā se

habīb-e-kibriyā ko sar-basar sidq-o-safā dekhā

shabīh-e-rahmat-e-daurāñ utar aa.ī hai āñkhoñ meñ

ba-zauq-e-dīd jab ā.īna-e-ḳhair-ul-varā dekhā

fanā ho kar huā āzād jab qaid-e-‘anāsir se

vujūd-e-rūh par maujūd ehrām-e-baqā dekhā

mujhe pahchān ai dāroġha-e-firdaus-e-rabbānī

maiñ vo huuñ pyaar se jis ko nabī ne bārhā dekhā

chale aa.e haiñ ḳhud zahmat-zadoñ meñ rahmat-e-'ālam

jo ummat ko unhoñ ne ibtilā meñ mubtalā dekhā

rasūl-e-ḳhair ne aa kar miTāyā shar-pasandī ko

dayār-e-jabr meñ jab qahr-e-arbāb-e-ḳhatā dekhā

sadāqat kā qalam qirtās-e-īmāñ haq-rasā 'ādil

ḳhudā kī saltanat meñ 'adl-e-shāh-e-ambiyā dekhā

daraḳhshāñ ho gayā sūraj jo qānūn-e-risālat kā

shu’ūr-e-zīst kī nazroñ ne shahr-e-irtiqā dekhā

shah-e-dīñ kī huzūrī meñ gayā jab nā’t-go 'zauqī'

to us ne gumbad-e-ḳhazrā kā darvāza khulā dekhā

kabhi badrudduja dekha kabhi shamsuzzuha dekha

ba-qadr-e-zarf main ne jalwa-e-nurul-huda dekha

nigah-e-‘aql se to paikar-e-KHair-ul-wara dekha

guzar kar sarhad-e-idrak se kya jaane kya dekha

KHuda se kuchh ta'alluq tha na apni aashnai thi

nabi ke faiz se main ne jamal-e-kibriya dekha

rah-e-zauq-e-talab mein ek aisa bhi maqam aaya

nazar jis samt uTThi mustafa hi mustafa dekha

bahaal-e-jazb-o-masti jab liya nam-e-nabi main ne

to har pahnai ko pahne hue sall-e-'ala dekha

chaman ki sukhti shaKHon ne jab un ko pukara hai

bahaaron ke payambar ko sar-e-dosh-e-saba dekha

andheron ki chhaTai se ujale kar diye paida

jo nurani samundar ne ba-altaf-o-'ata dekha

kabhi yaadon ke aangan mein jo chamka nur-e-subhani

munDeron par harim-e-dil ki KHurshid-e-hira dekha

nigahen dhul gain jab 'ishq ke aab-e-musaffa se

habib-e-kibriya ko sar-basar sidq-o-safa dekha

shabih-e-rahmat-e-dauran utar aai hai aankhon mein

ba-zauq-e-did jab aaina-e-KHair-ul-wara dekha

fana ho kar hua aazad jab qaid-e-‘anasir se

wujud-e-ruh par maujud ehram-e-baqa dekha

mujhe pahchan ai darogha-e-firdaus-e-rabbani

main wo hun pyar se jis ko nabi ne barha dekha

chale aae hain KHud zahmat-zadon mein rahmat-e-'alam

jo ummat ko unhon ne ibtila mein mubtala dekha

rasul-e-KHair ne aa kar miTaya shar-pasandi ko

dayar-e-jabr mein jab qahr-e-arbab-e-KHata dekha

sadaqat ka qalam qirtas-e-iman haq-rasa 'adil

KHuda ki saltanat mein 'adl-e-shah-e-ambiya dekha

daraKHshan ho gaya suraj jo qanun-e-risalat ka

shu’ur-e-zist ki nazron ne shahr-e-irtiqa dekha

shah-e-din ki huzuri mein gaya jab na’t-go 'zauqi'

to us ne gumbad-e-KHazra ka darwaza khula dekha