ḳhvāja-e-do-sarā mohammad haiñ
sab ke mushkil-kushā mohammad haiñ
haq ko dekhā unheñ agar dekhā
haq ye hai haq-numā mohammad haiñ
fahm se hai buland un kī zaat
ye na pūchho ki kyā mohammad haiñ
ism-e-ā’zam se un kā ism-e-sharīf
har maraz kī davā mohammad haiñ
sochne vaale kyā ḳhabar tujh ko
kab ḳhudā se judā mohammad haiñ
un pe sadqe na kyoñ ho chashm-e-ḳhayāl
markaz-e-auliyā mohammad haiñ
ḳhāna-e-dil meñ mere ai 'bahzād'
hazrat-e-mustafā mohammad haiñ
KHwaja-e-do-sara mohammad hain
sab ke mushkil-kusha mohammad hain
haq ko dekha unhen agar dekha
haq ye hai haq-numa mohammad hain
fahm se hai buland un ki zat
ye na puchho ki kya mohammad hain
ism-e-a’zam se un ka ism-e-sharif
har maraz ki dawa mohammad hain
sochne wale kya KHabar tujh ko
kab KHuda se juda mohammad hain
un pe sadqe na kyon ho chashm-e-KHayal
markaz-e-auliya mohammad hain
KHana-e-dil mein mere ai 'bahzad'
hazrat-e-mustafa mohammad hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.