kijiye ab nigah-e-karam mustafa

kījiye ab nigāh-e-karam mustafā

varna khā jā.egā mujh ko ġham mustafā

jab nikalne lage merā dam mustafā

merī āñkheñ hoñ sū-e-haram mustafā

apne dar par bulā lījiyegā agar

merā miT jā.egā saarā ġham mustafā

saarā 'ālam banā aap hī ke liye

aap hī se haiñ lauh-o-qalam mustafā

mere dil meñ mohabbat kā dariyā bahe

ho na paidā kabhī mujh meñ ham mustafā

abr-e-rahmat madīne meñ barse na kyoñ

aap ke paḌ ga.e haiñ qadam mustafā

dīn-o-īmāñ kā dushman hai saarā jahāñ

ham ġharīboñ kā rakhiye bharam mustafā

pal meñ mash.hūr ho jaa.e 'firdaus' bhī

is pe ho aap kā gar karam mustafā

kijiye ab nigah-e-karam mustafa

warna kha jaega mujh ko gham mustafa

jab nikalne lage mera dam mustafa

meri aankhen hon su-e-haram mustafa

apne dar par bula lijiyega agar

mera miT jaega sara gham mustafa

sara 'alam bana aap hi ke liye

aap hi se hain lauh-o-qalam mustafa

mere dil mein mohabbat ka dariya bahe

ho na paida kabhi mujh mein hum mustafa

abr-e-rahmat madine mein barse na kyon

aap ke paD gae hain qadam mustafa

din-o-iman ka dushman hai sara jahan

hum gharibon ka rakhiye bharam mustafa

pal mein mashhur ho jae 'firdaus' bhi

is pe ho aap ka gar karam mustafa