madine ka safar hai aur main nam-dida nam-dida

madīne kā safar hai aur meñ nam-dīda nam-dīda

jabīñ afsurda afsurda qadam laġhzīda laġhzīda

chalā huuñ ek mujrim kī tarah maiñ jānib-e-taiba

nazar sharminda sharminda badan larzīda larzīda

kisī ke haath ne mujh ko sahārā de diyā varna

kahāñ maiñ aur kahāñ ye rāste pechīda pechīda

kahāñ maiñ aur kahāñ us rauza-e-aqdas kā nazzāra

nazar us samt uThtī hai magar duzdīda duzdīda

ġhulāmān-e-mohammad duur se pahchāne jaate haiñ

dil-e-girvīda girvīda sar-e-shorīda shorīda

madīne jā ke ham samjhe taqaddus kis ko kahte haiñ

havā pākīza pākīza fazā sanjīda sanjīda

basārat kho ga.ī lekin basīrat to salāmat hai

madīna ham ne dekhā hai magar nādīda nādīda

vahī 'iqbāl' jis ko naaz thā kal ḳhush-mizājī par

firāq-e-taiba meñ rahtā hai ab ranjīda ranjīda

madīne kā safar hai aur maiñ nam-dīda nam-dīda

jabīñ afsurda afsurda qadam larzīda larzīda

madine ka safar hai aur mein nam-dida nam-dida

jabin afsurda afsurda qadam laghzida laghzida

chala hun ek mujrim ki tarah main jaanib-e-taiba

nazar sharminda sharminda badan larzida larzida

kisi ke hath ne mujh ko sahaara de diya warna

kahan main aur kahan ye raste pechida pechida

kahan main aur kahan us rauza-e-aqdas ka nazzara

nazar us samt uThti hai magar duzdida duzdida

ghulaman-e-mohammad dur se pahchane jate hain

dil-e-girwida girwida sar-e-shorida shorida

madine ja ke hum samjhe taqaddus kis ko kahte hain

hawa pakiza pakiza faza sanjida sanjida

basarat kho gai lekin basirat to salamat hai

madina hum ne dekha hai magar nadida nadida

wahi 'iqbaal' jis ko naz tha kal KHush-mizaji par

firaq-e-taiba mein rahta hai ab ranjida ranjida

madine ka safar hai aur main nam-dida nam-dida

jabin afsurda afsurda qadam larzida larzida