madine ki zamin bhi aasman hai

madīne kī zamīñ bhī āsmāñ hai

jo zarra hai vo mehr-e-zau-fishāñ hai

ḳhudā ke baa'd le nām-e-mohamād

mohammad bhī ḳhudā ke darmiyāñ hai

madīne kā safar aur itnā āsāñ

na jaane kaun mīr-e-kārvāñ hai

tamannā-e-huzūrī rakhne vaale

ye mahjūrī bhī shāyad imtihāñ hai

ziyārat-gāh-e-mahbūb-e-ḳhudā meñ

nazar betāb hai dil shādmāñ hai

farishte hoñ ki insāñ mo'tarif haiñ

mohammad tājdār-e-do-jahāñ hai

do-ālam kī haqīqat dekhtā huuñ

vo ruḳh ā.īna-e-kaun-o-makāñ hai

mirā ye haal hai hijr-e-nabī meñ

nafas kī āmad-o-shud bhī garāñ hai

ḳhushā ye mahfil-e-mīlād-e-hazrat

ki is mahfil meñ 'nudrat' na.at-ḳhvāñ hai

madine ki zamin bhi aasman hai

jo zarra hai wo mehr-e-zau-fishan hai

KHuda ke ba'd le nam-e-mohamad

mohammad bhi KHuda ke darmiyan hai

madine ka safar aur itna aasan

na jaane kaun mir-e-karwan hai

tamanna-e-huzuri rakhne wale

ye mahjuri bhi shayad imtihan hai

ziyarat-gah-e-mahbub-e-KHuda mein

nazar betab hai dil shadman hai

farishte hon ki insan mo'tarif hain

mohammad tajdar-e-do-jahan hai

do-alam ki haqiqat dekhta hun

wo ruKH aaina-e-kaun-o-makan hai

mera ye haal hai hijr-e-nabi mein

nafas ki aamad-o-shud bhi garan hai

KHusha ye mahfil-e-milad-e-hazrat

ki is mahfil mein 'nudrat' nat-KHwan hai