madine pe chhai bahaar-e-rasul

madīne pe chhā.ī bahār-e-rasūl

madīna banā jalva-zār-e-rasūl

har ik ashk-e-ġham kah rahā hai yahī

nigāhoñ ko hai intizār-e-rasūl

ye dozaḳh hai kyā aur ye kyā hai bahisht

ki har shai pe hai iḳhtiyār-e-rasūl

haiñ me.arāj kī shab ke shāhid malak

thā allāh ko intizār-e-rasūl

ye qur.āñ jo ahmad pe nāzil huā

haiñ ahkām-e-parvardigār-e-rasūl

na īmāñ pe jaañ dī na diiñ par miTe

kiyā ham ne koī na kār-e-rasūl

hai 'bahzād'-e-muztar mirī ye duā

ilāhī dikhā de dayār-e-rasūl

madine pe chhai bahaar-e-rasul

madina bana jalwa-zar-e-rasul

har ek ashk-e-gham kah raha hai yahi

nigahon ko hai intizar-e-rasul

ye dozaKH hai kya aur ye kya hai bahisht

ki har shai pe hai iKHtiyar-e-rasul

hain mearaj ki shab ke shahid malak

tha allah ko intizar-e-rasul

ye quran jo ahmad pe nazil hua

hain ahkaam-e-parwardigar-e-rasul

na iman pe jaan di na din par miTe

kiya hum ne koi na kar-e-rasul

hai 'bahzad'-e-muztar meri ye dua

ilahi dikha de dayar-e-rasul