mahshar mein mil sakega sahaara rasul ka

mahshar meñ mil sakegā sahārā rasūl kā

apnā liyā jo ham ne tarīqa rasūl kā

ik mo'jiza thā zaat kā īmān pe dalīl

sab DhūñDte rahe na thā saaya rasūl kā

duniyā banī usī kī banī us kī āḳhirat

apnā liyā hai jis ne tarīqa rasūl kā

hai aarzū yahī ki madīne ko jā sakūñ

aur dekhnā nasīb ho rauza rasūl kā

gūñjī bilāl kī na madīne meñ jab azaañ

ghaḌiyāñ thamīñ ki chup thā dulārā rasūl kā

har chiiz meñ tavakkul-o-taqvā kī thī jhalak

jaama rasūl kā ki bichhaunā rasūl kā

baḳhshish hogī tabhī jo shafā'at mile mujhe

vā'da ḳhudā kā par ho irāda rasūl kā

puurī ye kā.enāt sitāroñ se hai bharī

sab se buland-baḳht sitāra rasūl kā

go hai gunāhgār hai baḳhshish kī aas par

'shamsa' ko sirf ek sahārā rasūl kā

mahshar mein mil sakega sahaara rasul ka

apna liya jo hum ne tariqa rasul ka

ek mo'jiza tha zat ka iman pe dalil

sab DhunDte rahe na tha saya rasul ka

duniya bani usi ki bani us ki aaKHirat

apna liya hai jis ne tariqa rasul ka

hai aarzu yahi ki madine ko ja sakun

aur dekhna nasib ho rauza rasul ka

gunji bilal ki na madine mein jab azan

ghaDiyan thamin ki chup tha dulara rasul ka

har chiz mein tawakkul-o-taqwa ki thi jhalak

jama rasul ka ki bichhauna rasul ka

baKHshish hogi tabhi jo shafa'at mile mujhe

wa'da KHuda ka par ho irada rasul ka

puri ye kaenat sitaron se hai bhari

sab se buland-baKHt sitara rasul ka

go hai gunahgar hai baKHshish ki aas par

'shamsa' ko sirf ek sahaara rasul ka