makka ke surma hon ki ansar sab ke sab

makka ke sūrmā huuñ ki ansār sab ke sab

tere liye haiñ bar-sar-e-paikār sab ke sab

rauze kī jaalī mimbar-o-mīnār sab ke sab

har samt se haiñ nuur ke ambār sab ke sab

būḌhe javān 'aurateñ bachche bhī ai karīm

tujh par haiñ jaañ luTāne ko tayyār sab ke sab

un ko hī hashr meñ milā mahmūd kā maqām

baḳhshe ga.e unhī ke gunahgār sab ke sab

ayyūb ke makān pe baiThī jo ūñTnī

ḳhushiyāñ manāne lag ga.e ansār sab ke sab

tadbīr aisī aap ne asvad kī pesh kī

muñh dekhte hī rah ga.e hushiyār sab ke sab

kuchh bhī na chhoḌā māsivā hubb-e-rasūl ke

siddīq laa.e dirham-o-dīnār sab ke sab

tujh pe darūd bhejtā hai rabb-e-zul-jalāl

tujh pe haiñ ḳhatm 'azmat-o-me'yār sab ke sab

likhne jo baiThā 'nūr' maiñ nā't-e-rasūl-e-pāk

aate rahe mazāmīñ lagātār sab ke sab

makka ke surma hun ki ansar sab ke sab

tere liye hain bar-sar-e-paikar sab ke sab

rauze ki jali mimbar-o-minar sab ke sab

har samt se hain nur ke ambar sab ke sab

buDhe jawan 'auraten bachche bhi ai karim

tujh par hain jaan luTane ko tayyar sab ke sab

un ko hi hashr mein mila mahmud ka maqam

baKHshe gae unhi ke gunahgar sab ke sab

ayyub ke makan pe baiThi jo unTni

KHushiyan manane lag gae ansar sab ke sab

tadbir aisi aap ne aswad ki pesh ki

munh dekhte hi rah gae hushiyar sab ke sab

kuchh bhi na chhoDa masiwa hubb-e-rasul ke

siddiq lae dirham-o-dinar sab ke sab

tujh pe darud bhejta hai rabb-e-zul-jalal

tujh pe hain KHatm 'azmat-o-me'yar sab ke sab

likhne jo baiTha 'nur' main na't-e-rasul-e-pak

aate rahe mazamin lagatar sab ke sab