mohammad pe sadqe zabāñ ho rahī hai
unhīñ kī ye bas mad.h-ḳhvāñ ho rahī hai
mujhe kyā bulātā hai koī madīne
mire dil meñ goyā azaañ ho rahī hai
sabā aa rahī hai madīne se ho kar
ki qismat mirī meherbāñ ho rahī hai
chalo dīd-e-taiba se taskīn paa.eñ
vahāñ kī zamīñ āsmāñ ho rahī hai
mirī aañkh se ashk jaarī haiñ paiham
mire dil kī hālat ayaañ ho rahī hai
na naale haiñ lab par na aaheñ na shevan
zabāñ āj-kal be-zabāñ ho rahī hai
mujhe is kā 'bahzād' ronā hai har dam
mirī zindagī rā.egāñ ho rahī hai
mohammad pe sadqe zaban ho rahi hai
unhin ki ye bas madh-KHwan ho rahi hai
mujhe kya bulata hai koi madine
mere dil mein goya azan ho rahi hai
saba aa rahi hai madine se ho kar
ki qismat meri meherban ho rahi hai
chalo did-e-taiba se taskin paen
wahan ki zamin aasman ho rahi hai
meri aankh se ashk jari hain paiham
mere dil ki haalat ayan ho rahi hai
na nale hain lab par na aahen na shewan
zaban aaj-kal be-zaban ho rahi hai
mujhe is ka 'bahzad' rona hai har dam
meri zindagi raegan ho rahi hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
