na kyon dil jigar hon rahin-e-madina

na kyoñ dil jigar hoñ rahīn-e-madīna

falak hai falak hai zamīn-e-madīna

do-ālam na kyoñ apne sar ko jhukā.e

do-ālam hai zer-e-nagīn-e-madīna

tirī azmatoñ par zamāna tasadduq

maiñ qurbān tujh par makīn-e-madīna

hamārī bhī nazroñ ko sairāb kar de

idhar bhī karam mah-jabīn-e-madīna

sitāre to kyā chāñd ko sharm aa.e

agar dekh le vo hasīn-e-madīna

jo qismat se pā.ūñ vahāñ tak rasā.ī

to palkoñ se jhāḌūñ zamīn-e-madīna

tujhī meñ maza hai tujhī meñ taḌap hai

na jā ai ġham-e-dil-nashīn-e-madīna

agar koī pūchhe to ye saaf kah duuñ

mirā diiñ hai 'bahzād' dīn-e-madīna

na kyon dil jigar hon rahin-e-madina

falak hai falak hai zamin-e-madina

do-alam na kyon apne sar ko jhukae

do-alam hai zer-e-nagin-e-madina

teri azmaton par zamana tasadduq

main qurban tujh par makin-e-madina

hamari bhi nazron ko sairab kar de

idhar bhi karam mah-jabin-e-madina

sitare to kya chand ko sharm aae

agar dekh le wo hasin-e-madina

jo qismat se paun wahan tak rasai

to palkon se jhaDun zamin-e-madina

tujhi mein maza hai tujhi mein taDap hai

na ja ai gham-e-dil-nashin-e-madina

agar koi puchhe to ye saf kah dun

mera din hai 'bahzad' din-e-madina