nat-e-rasul

ham haiñ tumhāre tum ho hamāre

mohammad pyāre

tum ho chāñd aur ham haiñ taare

mohammad pyāre

sab se achchhā diin tumhārā

hukm-e-ḳhudā aa.iin tumhārā

tum ne hamāre zehn sañvāre

mohammad pyāre

pyaar sikhāyā adl sikhāyā

rang-o-nasl kā farq miTāyā

duur kiye saare añdhiyāre

mohammad pyāre

bandoñ ko maulā se milāyā

qatroñ ko dariyā se milāyā

moḌe tum ne vaqt ke dhāre

mohammad pyāre

gumrāhoñ ko raah dikhā.ī

qātil bhī Thahre shaidā.ī

tum jiite aur dushman haare

mohammad pyāre

sunnat aur qur.ān pe chal ke

kahlā.eñ shahkār amal ke

māñgeñ duā ham mil ke saare

mohammad pyāre

hum hain tumhaare tum ho hamare

mohammad pyare

tum ho chand aur hum hain tare

mohammad pyare

sab se achchha din tumhaara

hukm-e-KHuda aain tumhaara

tum ne hamare zehn sanware

mohammad pyare

pyar sikhaya adl sikhaya

rang-o-nasl ka farq miTaya

dur kiye sare andhiyare

mohammad pyare

bandon ko maula se milaya

qatron ko dariya se milaya

moDe tum ne waqt ke dhaare

mohammad pyare

gumrahon ko rah dikhai

qatil bhi Thahre shaidai

tum jite aur dushman haare

mohammad pyare

sunnat aur quran pe chal ke

kahlaen shahkar amal ke

mangen dua hum mil ke sare

mohammad pyare