shah-e-din shah-e-anam

shāh-e-dīñ shah-e-anām

pahoñche aap par salām

aap hī ke faiz se

hai ye dahr kā nizām

haq hai aap ke liye

haq hai aap kā kalām

ism-e-āzam aur kyā

sirf aap hī kā naam

sab ke peshvā haiñ aap

sab haiñ aap ke ġhulām

fikr jo na pā sake

hai vo aap kā maqām

rahm ai huzūr-e-mā

hai ġhamoñ kā izhdihām

dīd-e-arz-e-pāk ko

hai nigāh-e-tishna-kām

hai ye merī iltijā

ho ba-ḳhair iḳhtitām

shah-e-din shah-e-anam

pahonche aap par salam

aap hi ke faiz se

hai ye dahr ka nizam

haq hai aap ke liye

haq hai aap ka kalam

ism-e-azam aur kya

sirf aap hi ka nam

sab ke peshwa hain aap

sab hain aap ke ghulam

fikr jo na pa sake

hai wo aap ka maqam

rahm ai huzur-e-ma

hai ghamon ka izhdiham

did-e-arz-e-pak ko

hai nigah-e-tishna-kaam

hai ye meri iltija

ho ba-KHair iKHtitam