shah-e-do-alam sun lijiye meri nawa meri fariyaad

shāh-e-do-ālam sun liije merī navā merī fariyād

hādī-e-āzam sun liije rahtā huuñ maiñ har-dam nāshād

mujh ko hai taiba kā armāñ rahtā huuñ maiñ din-rāt tapāñ

mere mukarram sun liije zindagī hai merī barbād

koī nahīñ merā ġham-ḳhvār kar diyā ġham ne zār-o-nazār

nuuh ke hamdam sun liije rahtī hai dil ko aap kī yaad

aap haiñ rahmat-e-do-ālam kis se kahūñ maiñ jā kar ġham

lutf-e-mujassam sun liije aañkh hai ġhamgīñ dil nāshād

aap haiñ daatā maiñ huuñ gadā phailā huā hai haath mirā

qā.em-o-dā.em sun liije dījiye mujh ko merī murād

merī navā-e-nīm-shabī merā bayān-e-dard-e-dilī

haq ke mahram sun liije aur mujhe kiije dil-shād

aur hai hāsil har ne.amat sirf hai taiba kī hasrat

rahmat-e-ālam sun liije taḌpe bhalā kab tak 'bahzād'

shah-e-do-alam sun lije meri nawa meri fariyaad

hadi-e-azam sun lije rahta hun main har-dam nashad

mujh ko hai taiba ka arman rahta hun main din-raat tapan

mere mukarram sun lije zindagi hai meri barbaad

koi nahin mera gham-KHwar kar diya gham ne zar-o-nazar

nuh ke hamdam sun lije rahti hai dil ko aap ki yaad

aap hain rahmat-e-do-alam kis se kahun main ja kar gham

lutf-e-mujassam sun lije aankh hai ghamgin dil nashad

aap hain data main hun gada phaila hua hai hath mera

qaem-o-daem sun lije dijiye mujh ko meri murad

meri nawa-e-nim-shabi mera bayan-e-dard-e-dili

haq ke mahram sun lije aur mujhe kije dil-shad

aur hai hasil har neamat sirf hai taiba ki hasrat

rahmat-e-alam sun lije taDpe bhala kab tak 'bahzad'