tu hi tu kul jahan ka rahman ai KHuda

tū hī tū kul jahān kā rahmān ai ḳhudā

saare jahāñ pe hai tirā ehsān ai ḳhudā

tere karam se husn hai tere karam se ishq

kyoñ kar na tujh pe ho koī qurbān ai ḳhudā

inkār terī zaat se insān kar sake

is kā to koī bhī nahīñ imkān ai ḳhudā

ye dard ye taḌap ye ḳhalish ye ġham-e-firāq

sab hai tirā karam tirā ehsān ai ḳhudā

'bahzād' ko har ek murād us kī mil chukī

yasrib kā rah gayā hai bas armān ai ḳhudā

tu hi tu kul jahan ka rahman ai KHuda

sare jahan pe hai tera ehsan ai KHuda

tere karam se husn hai tere karam se ishq

kyon kar na tujh pe ho koi qurban ai KHuda

inkar teri zat se insan kar sake

is ka to koi bhi nahin imkan ai KHuda

ye dard ye taDap ye KHalish ye gham-e-firaq

sab hai tera karam tera ehsan ai KHuda

'bahzad' ko har ek murad us ki mil chuki

yasrib ka rah gaya hai bas arman ai KHuda