wo nabiyon mein rahmat laqab pane wala

vo nabiyoñ meñ rahmat laqab paane vaalā

murādeñ ġharīboñ kī bar laane vaalā

musībat meñ ġhairoñ ke kaam aane vaalā

vo apne parā.e kā ġham khāne vaalā

faqīroñ kā maljā za.īfoñ kā maavā

yatīmoñ kā vaalī ġhulāmoñ kā maulā

ḳhatā-kār se darguzar karne vaalā

bad-andesh ke dil meñ ghar karne vaalā

mafāsid ko zer-o-zabar karne vaalā

qabā.il ko shīr-o-shakar karne vaalā

utar kar hirā se sū-e-qaum aaya

aur ik nusḳha-e-kīmiyā saath laayā

mas-e-ḳhām ko jis ne kundan banāyā

kharā aur khoTā alag kar dikhāyā

arab jis pe qarnoñ se thā jahl chhāyā

palaT dī bas ik aan meñ us kī kaayā

rahā Dar na beḌe ko mauj-e-balā kā

idhar se udhar phir gayā ruḳh havā kā

wo nabiyon mein rahmat laqab pane wala

muraden gharibon ki bar lane wala

musibat mein ghairon ke kaam aane wala

wo apne parae ka gham khane wala

faqiron ka malja zaifon ka mawa

yatimon ka wali ghulamon ka maula

KHata-kar se darguzar karne wala

bad-andesh ke dil mein ghar karne wala

mafasid ko zer-o-zabar karne wala

qabail ko shir-o-shakar karne wala

utar kar hira se su-e-qaum aaya

aur ek nusKHa-e-kimiya sath laya

mas-e-KHam ko jis ne kundan banaya

khara aur khoTa alag kar dikhaya

arab jis pe qarnon se tha jahl chhaya

palaT di bas ek aan mein us ki kaya

raha Dar na beDe ko mauj-e-bala ka

idhar se udhar phir gaya ruKH hawa ka