ye dil kah rahā hai ki aatā hai koī
madīne se paiġhām laatā hai koī
zabāñ se nikalte hī nām-e-mohamād
nazar meñ mirī aa samātā hai koī
madīne kī galiyoñ meñ har har qadam par
jabīn-e-mohabbat jhukātā hai koī
kahe jā sabā haañ mohammad mohammad
ki is naam se chain paatā hai koī
mirī aañkh meñ aa hī jaate haiñ aañsū
madīne kī jānib jo jaatā hai koī
madīne ko maiñ ye ḳhudā jāntā hai
nahīñ jā rahā huuñ bulātā hai koī
koī jān-e-taiba se 'bahzād' kah de
bahut hijr kā ġham uThātā hai koī
ye dil kah raha hai ki aata hai koi
madine se paigham lata hai koi
zaban se nikalte hi nam-e-mohamad
nazar mein meri aa samata hai koi
madine ki galiyon mein har har qadam par
jabin-e-mohabbat jhukata hai koi
kahe ja saba han mohammad mohammad
ki is nam se chain pata hai koi
meri aankh mein aa hi jate hain aansu
madine ki jaanib jo jata hai koi
madine ko main ye KHuda jaanta hai
nahin ja raha hun bulata hai koi
koi jaan-e-taiba se 'bahzad' kah de
bahut hijr ka gham uThata hai koi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.