ye faiz-e-ehtirām-e-risālat-ma.āb hai
sab kī zabāñ pe nām-e-risālat-ma.āb hai
hai saath meñ darūd bhī sajda ho yā qiyām
har bandagī ba-nām-e-risālat-ma.āb hai
mabnī hai kul kalām kalām-e-ilāh par
qurbān kyā kalām-e-risālat-ma.āb hai
har samt faiz-e-ilm ke dariyā bahā diye
koī bhī tishna-kām-e-risālat-ma.āb hai
qaa.em jo ho chukā hai vo qaa.em hai aaj tak
vallāh kyā nizām-e-risālat-ma.āb hai
'bahzād' aarzū hai ki aa kar sabā kahe
tere liye payām-e-risālat-ma.āb hai
ye faiz-e-ehtiram-e-risalat-maab hai
sab ki zaban pe nam-e-risalat-maab hai
hai sath mein darud bhi sajda ho ya qiyam
har bandagi ba-nam-e-risalat-maab hai
mabni hai kul kalam kalam-e-ilah par
qurban kya kalam-e-risalat-maab hai
har samt faiz-e-ilm ke dariya baha diye
koi bhi tishna-kaam-e-risalat-maab hai
qaem jo ho chuka hai wo qaem hai aaj tak
wallah kya nizam-e-risalat-maab hai
'bahzad' aarzu hai ki aa kar saba kahe
tere liye payam-e-risalat-maab hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
